ASAL MULA KALIGESING

Jaman biyen ono putri kang nduweni jeneng Talakbroto. Sakmangsa uripe, deweke kondang ayune lan duwe rikma kang dawa banget. Saking dawane rikma, yen arep tindakan adoh kudu ono sing ngawal lan nyekeli rikmane. Amargo rikmane susah digawe sanggul utawa ditaleni.

Warta ayune talakbroto kasebar ing ngendi-endi. Lan akeh wong kang podo kesengsem marang deweke. Nanging durung ana kang wani nglamar, amargo kabeh wong podo ngerti yen Talakbroto kuwi putrine Brojosingo, wong kang paling dihormati lan diwedeni ono ing wongkone.

Dek jaman enome, Brojosingo yoiku salah suwijine prajurit ing Majapahit kang ampuh. Brojosingo karoBrojonolo, lan Brojotoko tau ngemban jejibahan dadi pemimpin prajurit Majapahit mungsuh kadipaten Blambangan kang arep mbalelo.

Arepo kabeh mau wong ampuh, nanging kanyatan ora ono sing kuwat ngalahake ampuhe gada wesi kuning duweke Menak Jinggo Adipati Blambangan.

Amargo kalah perang, senopati telu mau isin lan wedi bali ing Majapahit.. Brojosingo karo garwane lan anake, Caranggesing lan Talakbroto mlayu mangulon tumeko pegunungan Menoreh. Ono ing papan anyare kono deweke urip dani tani.

Dene anake Caranggesing sakwuse dewasa diwedeni uwong. Deweke duwe sifat atos endase. Suwujineng dina, Caranggesing nitih kuda mirsani endahing alam. Naliko ing tengahing laku, dumadakan turanggane mandeg amargo ing ngarepe ono uwit pring kang ambruk lan ngalang-alangi dalan. Pring mau banjur diremukke nganggo tangan lorone. Nanging ora mung bambu kang remuk,  nanging ugo watu sak kiwo tengene.Saka kedadean kuwi saiki diarani Watubelah.

Ing sakwijineng dina Talakbroto kang mulai akhir dewasa podo dolanan lan adus bareng-bareng karo kancane ono ing kali. Mergo rikmane Talakbroto kang dowo, dadi akeh iwak-iwak kang podo katut ono ing rambute. Deweke karo kancane podo rebutan iwak kuwi mau. Bareng wus marem anggone adus lan njupuk iwak, mongko deweke banjur mulih.

Tekone omah deweke ditakoni babagan iwak kuwi mau marang caranggesing. Talakbroto nyritakake kang sakbenere. Nanging kangmase ora percaya, malah ndakwo adine wus tumindak kang ora sakmestine karo tukang golek iwak ono ing kali.

Krungu didakwo kakangne kang tanpo bukti deweke lara ati . tanpa mikir dawa Talakbroto nyaut keris kakangne lan nugel rambute. Sakwuse nggundul rambute, Talakbroto nuncepke keris mau pas ono ing dadane. Talakbroto mati sak naliko.

Caranggesing saking kagete. Deweke ora ngiro adike bakal senekat kuwi. Kaget maneh, naliko deweke arep ngrangkul adike, dumadakan jenazahe ngawang-awang lan mambu wangi. Iki ndadekake bukti menawa Talakbroto isih suci. Caranggesing  semaput saknaliko. Sakjerone semaput, deweke rumangsa ditemoni adike.

“Kangmas ngisin-isinake banget, ora pantes koyo ngono kuwi dilakoni  dening ksatrio. Ndakwo sak enake dewe tanpa bukti, kang dimasalahke saka rambutku. Mongko tumeko akhir zaman suk, ora ono wanita ing wewengkon iki kang biso ndawakake rambute. Luwih luwih keturunan Brojosingo”.

Sakwuse eling, Caranggesing muwun lan nggetuni pakaryane, Semono ugo karo Brojosingo sakwuse mangerteni kang sak benere dumadi. Bareng wus sak wetara, akhire Brojosingo ngendika “ Wiwit dina iki, panggonan kedadean iki arep tak wenehi tetenger Desa Kaligono. Kali sing tegese Dewa  Pendidikan supaya kedadean iki bisa dadi tulada kanggo awake dewe kabeh, Murih awake dewe ora diparengake ndakwo marang wong kang tanpo bukti. Dene kali panggonan Talakbroto adus karo desa-desa sak kiwo tengene tak wenehi tetenger Kaligesing. Margo kali iki ndadeake Caranggesing lan adike sulaya hingga salah suwijine dadi korban”.

Lan tumeko dino iki wewengkon panggonane Caranggesing kuwi mau diarani Desa Kaligono lan kali serta wewengkon kiwo tengene diarani Kaligesing. Lan tumeko sak iki dadi jeneng Kecamatan.

 

Penulis: BERITA HARIAN DESA DONOREJO

Berbakti untuk negeri

1 thought on “ASAL MULA KALIGESING”

  1. Due to the current economic climate the growth market will remain low
    for a while making buy to let property a highly attractive prospect.
    This, naturally, is how come seasoned investors research the local
    marketplace and make use of real estate investment software to go over numbers before
    they invest. Learning how to build your real estate portfolio is very
    important to your success.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s